Եթե տանը կա 2 ձու և մի բաժակ ջեմ, անպայման պատրաստեք այս տնական թխվածքաբլիթը

Թխվածքաբլիթը ստացվում է անչափ փափուկ, պատրաստվում է անհավանական պարզ եղանակով, շատ արագ ու առանց ավելորդ ջանքերի:

Պատրաստման համար անհրաժեշտ է.

  • ձու՝ 2 հատ
  • ալյուր և շաքարավազ՝ յուր. 2 ճ.գ.
  • աղ՝ մի պտղունձ
  • ջեմ
  • շոկոլադ՝ 150 գ
  • կաթ՝ 1 – 2 ճ.գ.
  • կարագ՝ 40 գ

Պատրաստման եղանակ.

Առանձնացնել հավկիթների դեղնուցներն ու սպիտակուցները:

Դեղնուցները միացնել շաքարավազի հետ ու հարել՝ մինչ փքուն զանգված կստացվի:

Սպիտակուցին մի պտղունձ աղ լցնել ու հարել՝ սպիտակ փրփուր ստանալու համար:

Միացնել դեղնուցն ու սպիտակուցը, զգուշորեն խառնել փայտե գդալով: Ավելացնել ալյուրը ու նորից խառնել:

Զանգվածը լցնել տոպրակի մեջ ու կտրել մի անկյունը: Սեղմելով բաժին-բաժին լցնել յուղաթղթով ծածկված տապակի մեջ:

Թխել նախապես տաքացրած ջեռոցում՝ 180 ջերմաստիճանի ներքո,  10 – 12 րոպե:

Ջնարակի համար խառնել շոկոլադն ու կարագը, հալացնել գոլորշու վրա: Եթե զանգվածը շատ պինդ է ստացվել, 1-2 գդալ կաթ լցնել:

Понравилась статья? Поделиться с друзьями: