Համեղ ու հետաքրքիր թխվածքաբլիթ «Կապրիզ»․․․ Պատրաստվում է շատ արագ․․․

Համեղ ու սննդարար թխվածքաբլիթի բաղադրատոմս, որի միջուկին կարող եք ավելացնել տարբեր բաղադրիչներ․ շոկոլադի կտորներ, չամիչ, չրեղեն, ընկույզ։ Խմորը փափուկ է, նուրբ, բերանում հալվող։

Անհրաժեշտ բաղադրիչներ․

  • բնական յոգուրտ՝ 120 մլ
  • դեղնուց՝ 1 հատ
  • ալյուր՝ 260 գ
  • կարագ՝ 100 գ
  • փխրեցուցիչ՝ 1թ․գ․
  • աղ՝ 1 պտղունձ

միջուկի համար․

  • չամիչ, շոկոլադ՝ 50 գ յուրաքանչյուրը
  • ընկույզ՝ 40 գ
  • կակաչի սերմեր՝ 15գ
  • սպիտակուց՝ 1 հատ
  • շաքարավազ՝ 60 գ

Պատրաստման եղանակ․

Յոգուրտը կարող եք փոխարինել բարձր յուղայնությամբ մածունով կամ կեֆիրով, իսկ կարագը՝ բարձրորակ մարգարինով։

Միացնել մածունն ու դեղնուցը։ Ալյուրը մաղել և միացնել աղի ու փխրեցուցիչի հետ։

Սառեցրած կարագը կտրատել խորանարդիկների կամ անցկացնել խոշոր քերիչով։

Խառնել ալյուրն ու կարագը՝ վերածելով մանր փշուրի։ Չոր բաղադրիչների մեջ լցնել ձվային զանգվածը և խմոր հունցել։

Խմորը դնել տոպրակի մեջ և ուղարկել սառնարանը՝ 20 րոպեով։

Սեղանին ալյուր շաղ տալ և վրան խմոր գրտնակել՝ մոտ 4մմ հաստությամբ։ Հարել սպիտակուցը և քսել խմորի մակերեսին։

Շաքարավազ լցնել, մանրացրած ընկույզ, կակաչի սերմեր, չրի, շոկոլադի կտորներ։

Փաթաթել ռուլետը, հարած ձու քսել և կտրատել։

Տապակը ծածկել յուղաթղթով, դասավորել թխվածքաբլիթները։

Թխել նախապես տաքացրած ջեռոցում՝ մոտ 20 րոպե։

Բարի ախորժակ։

Նյութը պատրաստեց Տեղեկատու կայքը

 

 

 

Понравилась статья? Поделиться с друзьями: