Աղցանի պատրաստման համար անհրաժեշտ են հետևյալ բաղադրիչները․
- Ձու — 5 հատ
- Կարտոֆիլ — 6 հատ
- Գազար — 3 հատ
- Սոխ — 1 հատ
- Վարդագույն սաղմոն իր հյութում — 1 բանկա
- Կոշտ պանիր — 200 գրամ
- Քացախ — 1 ճաշի գդալ.
- Շաքարավազ — 1 թեյի գդալ.
- Աղ — ըստ ճաշակի։
Պատրաստման եղանակը․
1. Ձուն, կարտոֆիլն ու գազարը խաշեք թեթև աղաջրի մեջ: Ձուն մոտ 3 րոպե, իսկ կարտոֆիլն ու գազարը մի փոքր ավելի երկար։ Այնուհետև քամեք ջուրը և թողեք, որ սառչի:
2. Սոխը կտրատեք փոքր խորանարդիկներով, դրա վրա լցրեք ջուրը, 1 թեյի գդալ շաքարավազ և քացախը։ Թողեք 10 րոպե, որպեսզի մարինացվի։ Այնուհետև ջուրը քամեք:
3. Կարտոֆիլն ու գազարն առանձին-առանձին անցկացրեք խոշոր քերիչով։ Մեկ գազարը թողեք զարդարելու համար։
4. Ձուն մաքրեք և անցկացրեք մանր քերիչով՝ դեղնուցներն առանձնացնելով սպիտակուցներից։
5. Պանիրն անցկացրեք խոշոր քերիչով։ Նրանք, ովքեր սիրում են պանիր աղցանի մեջ, կարող են վերցնել ոչ թե 200 գրամ, այլ ավելին։
6. Վարդագույն սաղմոնից քամեք հեղուկը և տրորեք պատառաքաղով։
7. Վերցրեք հարթ աման և շարեք բաղադրիչները շերտերով:
8. Առաջին շերտում կարտոֆիլի մի մասը, վրան՝ մայոնեզ։ Հետո մարինացված սոխի կեսը, վարդագույն սաղմոնը, մայոնեզը, մնացած կարտոֆիլը, մայոնեզը, սոխը, քերած գազարը, մայոնեզը, պանիրն ու դեղնուցը, մայոնեզը, վերջում՝ սպիտակուցները։
9. Աղցանը դրեք սառնարանում, մոտ կես ժամով։ Այնուհետև հանեք այն և սկսեք զարդարել:
Գազարները կտրատեք տասներկու հավասար և նույնական շրջանակներով: Շրջանաձև դասավորեք աղցանի վրա՝ ժամացույցի տեսքով։ Մեջտեղում գազարից երկու սլաք պատրաստեք, ապա մայոնեզով շրջանների վրա արաբական թվեր գրեք։ Որպեսզի դրանք կոկիկ լինեն, պետք է մայոնեզը լցնել տոպրակի մեջ և բարակ անցք անել, կամ վերցնել հրուշակեղենի տոպրակ։ Ամանորի սեղանի համար աղցանը պատրաստ է։ Բարի ախորժակ։
Նյութը հրապարակման պատրաստեց ՆՈՐ ԻՆՖՈ-ն
