Գոյություն ունեն միսը պատրաստելու հազարավոր բաղադրատոմսեր, սակայն նախընտրում եմ ջեռոցում եփած տարբերակը։ Այս եղանակով պատրաստված միսը ստացվում է նուրբ ու փափուկ՝ ախորժելի կեղևով։ Շատ ավելի օգտակար է, քան թե ձեթի մեջ տապակածը։
Միսը պատրաստելու համար կպահանջվեն շատ քիչ բաղադրիչներ և 5 րոպե ժամանակ։
Անհրաժեշտ բաղադրիչներ․
- խոզի միս՝ 1,2կգ
- սոխ՝ 4 հատ
- քացախ՝ 2ճ․գ․
- ձեթ՝ 2ճ․գ․
- աղ՝ 2թ․գ․
- մսի համեմունք՝ 1թ․գ․
- ռեհան, մշկընկույզ՝ ըստ ճաշակի
Պատրաստման եղանակ․
Մաքրել սոխն ու կտրատել կիսալուսնաձև։ Ավելացնել 9% քացախ, խառնել և դնել մի կողմ։
Մսին քսել ձեթ, նաև մշկընկույզի, աղի, ռեհանի, համեմունքի խառնուրդ։
Փայլաթուղթը ծալել երկու շերտով, լցնել սոխի մի մասը, դնել միսը և մնացած սոխը։ Փաթաթել ամբողջը փայլաթղթով և մարինացնել 3-4 ժամ։
Տաքացնել ջեռոցը, մեջն ուղարկել միսը և եփել 200 ջերմաստիճանի ներքո՝ 90 րոպե։
Բարի ախորժակ։
Նյութը պատրաստեց Հայկական Ինֆո կայքը
