Լավրովը կոչ է արել արագ ապաշրջափակել Լաչինի միջանցքը

Լավրովը կոչ է արել արագ ապաշրջափակել Լաչինի միջանցքը

ՌԴ ԱԳ նախարար Սերգեյ Լավրովն Ադրբեջանի արտգործնախարար Ջեյհուն Բայրամովի հետ զրույցում կոչ է արել արագ ապաշրջափակել Լաչինի միջանցքի երթևեկությունը, հայտնում է ՌԴ ԱԳՆ-ն։
Երեքշաբթի օրը հեռախոսազրույց է տեղի ունեցել Լավրովի և Բայրամովի միջև։
«Նախարարները քննարկել են երկկողմ և տարածաշրջանային օրակարգի մի շարք արդիական հարցեր: Ռուսական կողմն ընդգծել է Լաչինի միջանցքով երթևեկության հնարավորինս շուտ ամբողջական ապաշրջափակման անհրաժեշտությունը՝ համաձայն 2020 թ-ի նոյեմբերի 9-ի՝ բարձր մակարդակի եռակողմ հայտարարության մեջ նշված պարամետրերի»,- հրապարակված է ՌԴ արտաքին գործերի նախարարության հայտարարության մեջ։
Նշվում է, որ ընդգծվել է նաև հարակից բոլոր հարցերի շուրջ փոխընդունելի լուծումների հասնելու կարևորությունը՝ Ռուսաստանի, Ադրբեջանի և Հայաստանի ղեկավարների պայմանավորվածությունների հիման վրա ադրբեջանա-հայկական հարաբերությունների կարգավորման առանցքային ուղիների վրա համապարփակ աշխատանքը վերսկսելու համար։

Понравилась статья? Поделиться с друзьями: