Պարզվում է, որ միանգամայն հնարավոր է համեղ և ոչ բարձր կալորիականությամբ ուտելիքներ պատրաստել: Եթե կարծում եք, որ համեղ և դիետիկ սնունդ չկա, ապա հաստատապես սխալվում եք:
Հիմնական բանը` ճիշտ բաղադրատոմսեր իմանալն ու ծույլ չլինելը, մոտ 15 րոպե ճաշ պատրաստելու համար: Եվ հետո վայելեք համեղ կերակուրը և բոլորը կգովեն ձեզ հմուտ ձեռքերի համար:
Այսօր մենք ուզում ենք ձեզ հետ կիսել մի պարզ և շատ համեղ աղցանի բաղադրատոմս, որը պատրաստվում է մի քանի րոպեների ընթացքում և հաճույք պատճառում բոլորին:
Ճակնդեղով աղցան պատրաստելու համար մեզ անհրաժեշտ է.
- Հավի կրծքամիս — 600 գր
- Մածուն — 2 ճաշի գդալ
- Ընկույզ — 100 գր
- Ճակնդեղ — 1 հատ միջին
- Կանաչի
- Համեմունքներ — ձեր հայեցողությամբ:
Ճակնդեղով աղցան պատրաստելու եղանակը
Հավի կրծքամիսը եփում ենք աղ արած ջրի մեջ, այնուհետև սառեցնում ենք ու սառչելուց հետո մանր կտրատում: Խաշել ճակնդեղը և քերիչով մանրացնելուց հետո ավելացնել հավին:
Մաքրած ընկույզը բլենդերի մեջ մանրացնել, լցնել մածունի վրա, լավ խառնել և ավելացնել հավի և ճակնդեղի կտորները: Այնուհետև մանր կտրատել կանաչիները և համեմունքները:
Համեմունքներ ավելացրեք ըստ ձեր ճաշակի: Խառնել ամեն ինչ մանրակրկտորեն և թողնել ճակնդեղով աղցանը սառնարանում մի քանի ժամ:
Համեղ և քնքուշ աղցանը պատրաստ է: Ամբողջ ընտանիքը ուրախ կլինի:
