Առաջարկում ենք պատրաստել այս չափազանց պարզ և համեղ թխվածքաբլիթը՝ հասանելի բաղադրիչներից: Տնական թխվածքը միշտ յուրահատուկ է ստացվում, և չի համեմատվի խանութից գնվածի հետ:
Անհրաժեշտ բաղադրիչներ.
- մածուն՝ 130մլ
- ձու՝ 1 հատ
- շաքարավազ՝ 1ճ.գ.
- ձեթ՝ 80մլ
- փխրեցուցիչ՝ 1թ.գ.
- ալյուր՝ 300գ
- շաքարավազ
Պատրաստման եղանակ.
Սկզբում անհրաժեշտ է հարել ձուն, մածունն ու ձեթը, աստիճանաբար ավելացնել 1ճ.գ. շաքարավազը: Ստացված խառնուրդին ավելացնել փխրեցուցիչը և ալյուրը, խմոր հունցել:
Խմորը գրտնակել մոտ 0,5սմ հաստությամբ:
Կտրատել և դնել յուղաթղթով ծածկված տապակի մեջ: Շաքարավազ ցանել, ցանկության դեպքում նաև դարչին:
Թխել 180 ջերմաստիճանի ներքո՝ 15-20 րոպե:
Բարի ախորժակ:
