Առանց ձվի բիսկվիթ. հարմար է նաև տորթեր պատրաստելու համար

Ներկայացնում ենք շատ համեղ բիսկվիթի հետաքրքիր բաղադրատոմս, որը պատրաստվում է առանց ձվի:

Ստացվում է փքուն, հյութեղ ու փափուկ: Այն կարող եք օգտագործել նաև տարատեսակ տորթեր պատրաստելու համար: Ստացվում է արագ ու պարզ եղանակով:

Պահպանեք բաղադրատոմսը, միացրեք ֆանտազիան և բիսկվիթով ստեղծեք հրուշակեղենային գլուխգործոցներ:

Անհրաժեշտ բաղադրիչներ.

400գ ալյուր
200մլ մածուն
200գ շաքարավազ
1թ.գ. սոդա
7ճ.գ.+1թ.գ. ձեթ

Պատրաստման եղանակ.

Առաջին հերթին գոլացնել մածունը, ցանկալի է գոլորշու վրա: Զգույշ եղեք, որ շատ չտաքանա:

Ավելացնել սոդան և խառնել:

Լցնել շաքարավազը և խառնել՝ մինչ լիարժեք լուծվելը:

Ավելացնել ձեթը, այնուհետև մաղած ալյուրը:

Խառնել այնքան, որ առանց գնդիկների հարթ խմոր ստացվի:

Ջեռոցի տապակին ձեթ քսել, ինչից հետո մեջը լցնել խմորը:

Տաքացնել ջեռոցը մինչ 180 ջերմաստիճանի և մեջը դնել տապակը: Թխել 30-35 րոպե: Փայտե չոփիկով ստուգել պատրաստ լինելը:

Պատրաստի բիսկվիթը թողնել ցանցի վրա՝ մինչ լիարժեք սառելը:

Բարի ախորժակ:

Ձեզ հետաքրքրե՞ց մեր հոդվածը, կիսվեք ընկերների հետ։