Պարզվում է, տնային պայմաններում կիտրոնի ծառ աճեցնելը բավականին հեշտ գործ է, եթե իմանաք ճիշտ ձևը և չմոռանաք պատշաճ խնամքի մասին:
Հաջորդ անգամ կիտրոն վայելելուց հետո աղբը մի գցեք կորիզները, դրանք կարող են դառնալ ձեր սեփական ծառի սկիզբը: Անգամ ձմեռային ամիսներին ծառը կարող է ծաղկել՝ հաղորդելով տանը անուշ բույր ու թարմություն: Միշտ կանաչ տերևներով ու սպիտակ ծաղիկներով կիտրոնը ոչ միայն կզարդարի ձեր ինտերիերը, այլև կլոր տարի կապահովի օգտակար պտուղներով:
Ընտրեք 12-15 խոշոր առողջ կորիզ, առանց տեսանելի վնասվածքների: Մաքրեք, որ կիտրոնի մնացորդներ չլինեն, դրեք տաք, բայց ոչ եռման ջրի մեջ, թողեք ամբողջ գիշեր:
Ծաղկամանի ընտրության ժամանակ ուշադրություն դարձրեք, որ պարտադիր լինեն դրենաժային անցքեր՝ ջրի գոյացումից խուսափելու համար: Օգտագործեք ցածր թթվայնությամբ հող, հարմար է նաև կակտուսի համար նախատեսված հողը:
Ընտրեք լուսավոր ու տաք տեղ, որտեղ կիտրոնը բավարար քանակությամբ արև կստանա: Անհրաժեշտության դեպքում կարող եք ֆիթո լամպ օգտագործել:
Նախապես թրջած կորիզները դրեք հողի մեջ՝ 2 սմ խորությամբ, թեթև խոնավեցրեք հողը: Ծածկեք ծաղկամանը թաղաթով՝ դրա վրա նախապես անցքեր անելով, որպեսզի ներսը օդափոխվի: Պարբերաբար խոնավեցրեք հողը: Սերմերը կծլեն մոտ երկու շաբաթից:
Կիտրոնը ջրեք շաբաթական 1 անգամ՝ խուսափելով գերխոնավեցումից: Պարբերաբար պարարտացրեք ազոտ պարունակող նյութերով:
Սովորաբար առաջին պտուղներն աճում են 3 տարի հետո:
Նյութը հրապարակման պատրաստեց Այսօր Ինֆո կայքը
