Երբեք առանձնապես ուշադրություն չեմ դարձրել ձու ընտրելու առանձնահատկություններին, միայն նայել եմ պահպանման ժամկետին: Բայց վերջերս պարզվեց, որ կան որոշակի նրբություններ, ու դրանք շատ կարևոր են, չի կարելի անտեսել:
Երբ սկեսուրս մեր տանն էր, պատրաստվում էր խմորեղեն թխել, ու բնականաբար ես գնացի խանութ, իհարկե նաև ձու գնեցի:
Առհասարակ մենք շատ ենք ձու օգտագործում. սիրում ենք ձվածեղ, եփած, թխվածքներ:
Սկեսուրս նայեց իմ գնած հավկիթներին ու ասաց.
—Այլևս երբեք չգնես նման ձու:
Ես զարմացա, քանի որ ըստ նշված ժամկետի՝ մթերքը թարմ էր:
—Տեսնում ես, ձվերի մի մասը սուր կողմով է դեպի վերև դրված, մյուս մասը՝ հակառակը:
Պարզվեց, դա վկայում է այն մասին, որ հավկիթները մի քանի անգամ վերցրել են, ընտրել լավերը, մնացածը դրել տեղը: Բացի այդ, կարևոր է, որ ձուն պահվի սուր կողմով դեպի վերևի, քանի որ այդ հատվածում օդային գրպան կա, որը պաշտպանում է բակտերիաներից ու սալմոնելլայից:
Արտադրողները լավ գիտեն այդ մասին, այնպես որ ցանկալի է գնել փակ տուփով հավկիթ, որպեսզի գնորդները չկարողանան փոխել ձվի դիրքը:
Նյութը հրապարակման պատրաստեց Այսօր Ինֆո կայքը
