Վերջերս ծանոթներիցս մեկի հետ խոսում էինք մազերի, դեմքի խնամքի մասին: Ես նրան հաճոյախություն արեցի՝ ասելով, որ նրա մազերը արտահայտիչ փայլուն են, հարթ: Նա ժպտաց ու ասաց, որ փոքրիկ խորամանկություն գիտի: Պարզվում է, ծանոթս մազերը լվանալու համար հաճախ օգտագործում է Ֆերի: Ըստ նրա, հեղուկը անթերի մաքրում է մազերը, գլխամաշկի յուղը, ինչը շատ կարևոր է հատկապես շոգ եղանակին:
Այնքան էլ չզարմացա, քանի որ էլի էի լսել Ֆերիի օգտակար հատկությունների մասին: Միայն թե հետաքրքիր էր, թե նա ինչպես է որոշել առաջին անգամ դրանով լվանալ գլուխը: Ամեն ինչ պարզից էլ պարզ է. պարզապես նա երեկոյան հայտնաբերել էր, որ շամպունը վերջացել է, սակայն պարտադիր պիտի լվանար մազերը:
Ահա մազերը ֆերիով լվանալու առավելությունները՝ ըստ իմ ծանոթի.
- մազերը չեն էլեկտրականացվում
- հայտնվում է անհավանական փայլ
- բացակայում է գլխամաշկի քոր:
Թեպետ նա շատ գովեց այս մեթոդը, ես ինքս չեմ ցանկանում այն կիրառել: Ամեն ինչ խիստ անհատական է. ինձ անհրաժեշտ են հատուկ շամպուններ և բալզամներ:
Նյութը հրապարակման պատրաստեց Այսօր Ինֆո կայքը
