Վարորդը, բժիշկն ու բուժքույրը մարմնական վնասվածքներով տեղափոխվել էին հիվանդանոց։
Վիրավորներից մեկը՝ բժշկուհի Ղազարյանը, հիվանդանոցում գիտակցության չգալով, մահացել էր: Իսկ բուժքույրը ծայրահեղ ծանր վիճակում էր։ Նրան հենց վթարի օրը վիրահատել էին, այդ օրը վիճակը կայուն ծանր էր, նա գտնվում էր վերակենդանացման բաժանմունքում։
Այսօր արդեն վթարից տուժած բուժքույրը գիտակցության է եկել։
«Այսօր եմ նրան այցելել, զրուցել ենք, գիտակցության է եկել, քննարկել ենք, թե ինչ է եղել»,- MediaHub-ի հետ զրույցում ասաց «Շտապօգնություն» ՓԲԸ-ի տնօրեն Ռուբեն Գրիգորյանը։
Նա տեղեկացրեց, որ բուժքույրը դեռ վերակենդանացման բաժանմունքում է, սակայն կյանքին այլևս վտանգ չի սպառնում։
«Թոքերը սնուցող սարքն անջատել են, բայց դեռ շարունակում է վերակենդանացման բաժանմունքում մնալ։ Այս փուլում սա կարող եմ ասել»,- նշեց նա։
Նարե Գնունի
